_____

🏵🔵🏵🔵🏵🔵🏵🔵🏵🔵🏵

15 شوال المکرم 1440 ھِجْرِی

19 جون 2019 عِیسَوی​

5 ہاڑھ 2076 بکرمی

بروز بدھ Wednesday

🏵🔵🏵🔵🏵🔵🏵🔵🏵🔵🏵

تیرا دشمن ( نفس ) تیرے اندر رہتا ہے

🏵🔵🏵🔵🏵🔵🏵🔵🏵🔵🏵

خواجہ ابراہیم خواص رحمة اللہ علیہ کہتے ہیں :

میں نے ایک دن سنا کہ

روم کا ایک راہب ، ساٹھ برس سے ، رہبانیت کے طریقہ پر ، قائم ہے ۔  مجھ کو تعجب ہوا کہ رہبانیت کی شرط تو چالیس سال سے زیادہ نہیں ہے ، وہ کس مقصد کو لے کر اتنا عرصہ ( گرجا ) میں ٹھہرا ہوا ہے ۔

میں نے اس سے ملنے کا ارادہ کیا ، جب اس کے پاس پہنچا تو اس نے کھڑکی کھولی اور کہا :

اے ابراہیم رحہ !

تم جس کام کیلئے آئے ہو ، میں جانتا ہوں ۔ میں یہاں رہبانی کیلئے نہیں بیٹھا ہوں ، بلکہ میرے پاس شوریدہ خواہشات ( بری خواہشات ) رکھنے والا ایک کتا ہے ، اس کو یہاں بند کرکے اس کی نگہبانی کر رہا ہوں ، تاکہ اس کی شرارت ، مخلوق تک نہ پہنچے ، ورنہ میں وہ نہیں ، جیسا تم نے مجھے سمجھا ہے ۔

( یہ نفس کافر ، سخت نافرمان ہے ، اس کا مار ڈالنا ، کوئی آسان کام نہیں ہے )

خواجہ ابراہیم رحہ کہتے ہیں :

اس کی یہ باتیں سن کر میں نے کہا :

خداوند ! تو ایسا قادر مطلق ہے کہ عین گمراہی میں بندے کو سیدھا راستہ دکھاتا ہے اور یہ درجہ عنایت فرماتا ہے ۔

اس نے مجھ سے کہا :

اے ابراہیم ! تو کب تک آدمیوں کو ڈھونڈتا رہے گا ۔ جا .... اپنے آپ کو تلاش کر اور جب پاجائے تو خود اپنا نگہبان بن جا ۔ یہی ہوائے نفس ( خواہش ِ نفس ) روزانہ الوہیت ( خدائی ) کے 360 لباس پہن کر سامنے آتی ہے اور بندوں کو گمراہی کی طرف بلاتی ہے ۔

اَفَرَئَیتَ مَنِ اتَّخَذ َاِلٰھَہُ ھَوَاہُ

( سورہ جاثیہ: آیت 23 )

ترجمہ : کیا تم نے ان لوگوں کو دیکھا ، جو اپنی خواہشات کو اپنا معبود ( خدا ) بنا لیتے ہیں ؟

یہی راز ہے کہ عزیزوں کے دل اس میں خون ہوکر رہ گئے ہیں ۔ ہزاروں دل اس غم سے کشتہ ( ٹکڑے ٹکڑے ) ہوگئے مگر یہ کافر نفس ایک ساعت بھی نہ مرا ۔ ترک ِ خواہش بندے کو امیر بنا دیتی ہے اور خواہش کی پیروی امیر کو اسیر بنا دیتی ہے ۔

*جس طرح زلیخا نے خواہش کی پیروی کی ، وہ امیر تھی لیکن اسیر ہوگئی اور حضرت یوسف علیہ السلام نے خواہش کو ترک کیا ، اسیر تھے امیر ہوگئے .

🏵🔵🏵🔵🏵🔵🏵🔵🏵🔵🏵
___