میری بھی اک جنت تھی

تحریر :- فاخرہ خان
کبھی میری بھی اک جنت تھی، جہاں محبت کے پھول کھلتے تھے، امن کی گنکا بہتی تھی،  ہر سو مسکراہٹیں بکھرتی تھی،  بے فکری کا عالم عالم تھا، چاہتوں کی کرنیں پھوٹتی تھی، اپنائیت کی خوشبو پھیلتی تھی۔۔۔

         ہاں کبھی میری بھی اک جنت تھی، ہنستی مسکراتی، دکھ درد بانٹتی، کھلتے گلاب کی مانند، روشن آفتاب کی مانند، چمکتے مہتاب کی مانند،  مہکتی خوشبو کی مانند،  رنگین قوس قزاح کی مانند۔۔۔

        ہاں کبھی میری بھی اک جنت تھی۔۔۔

پھر ہوا یوں اک روز۔۔۔ میری جنت مجھ سے جدا ہو گی۔۔۔

    پھر کبھی نہ محبت کے پھول کھلے، نہ چاہتوں کی کرنیں پھوٹی، پھر کبھی ذندگی اپنائیت سے معطر نہ ہوئی، پھر کبھی نہ سب رنگ بکھرے۔۔۔۔

      کیوں کہ میری جنت تو مجھ سے دور کہیں اپنی جنت میں جا بسی۔

     ہاں کبھی میری بھی اک جنت تھی اور میری جنت تو میری ماں تھی۔۔۔