یہ طرزِ زندگی کچھ اسی طرح ہے 

کبھی  روتے  روتے  مسکرانا  ہے

کبھی مسکرا کر آنسو چھپانا ہے

کبھی صبر کا دامن  تھامنا ہے

کبھی اجالا  کرنے  کو 

موم کی طرح پگھلنا ہے

کبھی خوشبو بن کر

ہر سو پھیلنا ہے

یہ طرزِ زندگی کچھ اسی طرح ہے

کبھی خود غرضی سے

کبھی لاپرواہی میں

کبھی جان کر

کبھی انجانے میں

کبھی کسی کو 

دکھی کر دیتے ہیں

کبھی اپنے پیاروں سے

روٹھ بھی جاتے ہیں

یہ طرزِ زندگی کچھ اسی طرح ہے

کبھی چاہتے ہوئے بھی

کچھ نہ کر سکنا

کبھی اچانک سے

بہت کچھ کر گزرنا

کبھی بے بسی کا عالم ہو

کبھی جوش و ولولہ بھی

کبھی حسنِ سلوک سے

کسی کی دعا پا لینا

کبھی بد اخلاقی سے

اپنا مقام گرا دینا

کبھی خوشی سے جھومنا

کبھی دکھ سے رونا

یہ طرزِ زندگی کچھ اسی طرح ہے

                           (فاخرہ خان)